回憶錄（五）﹣剛剛食完飯

工頭有本事召集這批年青才俊（最老可能係佢），之後再可以互相交义繁殖，併出不同火花，簡直做福人群。我問二號，幾時可以重新召集，重拾美好的集體回憶，他說......

係就好，如果我係傳媒老闆，個姓入面有木，一定即刻落訂，mark 實班友，再訂多幾部印刷機。

抱歉，各位工友，今晚實在太高興，寫得多咗。下次不要再帶太多酒。

回憶錄（四）﹣人物介紹

工友二號

二號識飲識食識煮，所有講飲講食的文章，就是出自他的手筆。單身大長今，Mary，在他手中出神入化。今晚食飯，聽說他會出山，另辟地盤落筆，叫人引頸以待。
我食過二號的作品，一個字：「掂」。

工友三號

三號神奇之處，在於貼中意大利勇奪世界杯冠軍。三號瓣數特多，寫作題材上天落地，政治社會足球，手起刀落，情理兼備。我問他有乜絕招，估到意大利咁厲害，他說：「好簡單，by elimination」。真係咁易？在Wharton念書，果然分析力驚人。

回憶錄（三）﹣人物介紹

工頭

可以成為一班年青才俊的工頭，自然有過人之處。
工頭命格精奇，際遇獨特，又懂把握。博覧群書，滿肚墨水，天生是講故事的能手。一聲吹雞，即時埋位。不過最初只有三丁友，非常可憐。

工友一號

一號有頭有面，本身已經是大師一名。工頭與一號合壁，這半版值六蚊有餘。我有份寫，只不過要我攝位，豈有此理。《國金外望》這欄名，都是一號的大作。望見他們的筆名，我到現在都覺得工頭靈感來自一號。

Blair 傳

Anthony Seldon 是研究Blair的權威. 這本書特別之處, 是將影響Blair的人及事梅花間竹落筆. Alastair Campbell, 恩師John Burton, 通通出場.

Blairism

Blair 應該是近代最好的政治家. 如果你有看過五月九日, 他在下議院跟David Cameron 開火, 就知道他可以坐足十年, 是有真材實料.

http://www.parliamentlive.tv/Archives/SearchResults.aspx?From=09/05/2007&To=11/05/2007&Where=HoC&Keywords=Questions%20to%20the%20Prime%20Minister

回憶錄 (二)

工頭: 唔寫喇
工友: 點解呀?
工頭: ......(下省一百字)
工友: 咁又係. 幾時停?
工頭: 七月廿八號
工友: 咁就一齊收檔接埋. 最後一篇寫咩好?
工頭: 唸咗喇, 要寫篇睇起嚟唔多覺, 之後唸番就會話係喎嘅隱晦告別文章
工友: 咁高深? 又睇你寫啲乜

股市風水佬

你有所不知, 今日交易所盃, 跑第一的馬, 叫Bear Macho, ,是匹紐西蘭閹馬. 跑第二的, 叫Bulldozer. Bear贏咗Bull, 熊勝牛, 非吉兆也. 明日股市必跌.

回憶錄 (一)

點解寫blog? 當然是有些東西有冤無路訴, 另找途徑發表.

以往跟少林兵團寫半版《信報》, 非常開心. 一班業餘寫手, 可以捱到年幾, 幾身修行. 有幾場畫面, 老早已經想立此存照, 苦無機會. 反正本blog裝修之後, 求字若渴, 啱哂.

學Momento由尾開始. 做這本書時已經知道時日無多, 拿拿聲good水上岸. 我最喜愛是那一篇? 仲駛講, 梗係林在山那一段墨寶. 才女一名, 可惜太過隱世.

書單

下一本要買要睇的書. 華爾街銀行內幕永遠有市場, Cohan 曾在Lazard 工作, 又當過記者, 大概寫得差極有個譜. 否則七百幾頁的書, 都幾惡啃.

讀邊本書好

精英雲集, 一班有心人. 但作為月刋, 可以多字少少. 兩下睇完, 廣告太多, 唔夠人寫call 我.

仿尤明實錄

原載於今期《號外》, 不過都唔慌多人買, 登番一兩篇唔好嘥.


—政府話要幫兩隻熊貓搞個改名比賽，又話要有開枝散葉嘅意思，都幾蝦人呵？
—超，好簡單啫！要改呢啲名，我哋啲麻甩佬最醒。改「情情」「愛愛」夠晒浪漫，叫「依依」「邑邑」又夠啜核，如果嗌「歡歡」「好好」，就認真到肉，熊貓聽到都曉即時識做。
—係喎，呢啲名我都聽到興烚烚。

裝修完畢

反骨過檔之後, 沒有即時重開博落, 是因為未想到如何下手.

專欄上網再無意思, 回答意見又無時間. 思前想後, 轉眼幾個月.

染上事事計算, 習慣一買一賣的職業病, 原來忘記了世界上還有嗜好這回事. 如果寫字是一種喜好, 而碰巧有人懂得欣賞, 花上半小時打一篇短文, 過得自己過得人, 未嘗不是一件樂事.