5.4.06

殘燭

做上市公司,除了要曉得搵生意賺錢,必要時,還要識得搵人入股救命。

  乾坤燭(8055)最近宣布引入投資者,以解手緊燃眉之急。股價低殘,跌破票面價,先要做個股份合併,再以半價發新股給新投資者。新股東包括現任會計師兼公司秘書,可以算做半個MBO。

   找人入股,要講得服對方落疊。在這方面,乾坤燭是高難度。負資產近一千萬的公司,二百萬CB用一間資產淨值百七萬的附屬公司抵數,接近無賺無蝕,對負資 產無甚幫助;五百萬贖回另一張CB,另加二百幾萬現金揸手,計落還要負資產百幾萬。但將蝕錢的生意脫了手,剩下那盤可以有錢賺的生意留在公司的金身,似乎 能夠寄望成為續命靈丹。這過程,應該是抬八百萬入股的原因。

  變身後,乾坤燭怕且要改名。金融工具分析軟件脫了手,餘下的營運應用軟件似乎擔不起乾坤燭的名字。轉型為一檔基本的電腦公司,面對無數面目類似的競爭對手,合併後兩毫子的股價,未必襟捱。

  無論如何,上市公司現任管理層,總算完成任務。

5 comments:

Anonymous said...

方兄:是否近期沒有好的提材?為交稿而寫,有一點失望。

fatmandg said...

吾係呀...話吾定佢收收風, 知道呢隻野就來賣盤...一賣...分分鐘像咩咩船/ 身體健康咁一登龍門股價暴升....

一間公司咩都冇...最岩用來做咩?

梗係炒啦...

輕身上陣,差吾多咩都冇的時候,想變彩票又得,能源又得,農業又得.....

只要俾記者影到佢同某大孖沙吃飯/貌似國內富豪的人把酒談心......

um....有景轟...

LfC said...

林行止專欄張冠李戴?

Skywalker said...

方生

你似乎懶左D喎, 到今日13號都吾update 個blog!

Anonymous said...

去咗放假?