25.7.06

「卓,你這麽留意電盈(008),這單新聞你一定要睇。」菲力偉每天早上例牌在我房間進行的讀報會出現,大驚小怪,一手將FT拋至我的面前。


  「有什麽值得你如此緊張?」我將電郵打完,按send,然後望向那份差點兒碰跌我杯咖啡的報紙。


  這消息相信大家都有留意到,盈拓手上電盈股份賣給梁伯韜,可能出現阻滯,原因是盈拓小股東可能會反抗。


  李澤楷特別照顧電盈小股東,願意私人每位送三毫。但盈拓出售電盈之後,新加坡的小股東沒有着數,沒有人承諾派發特別股息。而且,盈拓出售電盈之後,只剩下保險加零碎地產項目,對小股東毫無吸引力。如果要為自己謀取福利,若不接受TPG的私有化建議,就唯有逼梁伯韜提價,再要李澤楷私有化盈拓。情形有點兒似傳聞曹光彪要國航(753)以兩個八私有化中航興業(1110),才贊成出售港龍。


  「還是馬世民形容得妙,就好似李澤楷在人滿斗室放一個手榴彈,自己卻閂門鬆人。」菲力偉說着,又拿另一份報紙看,無意完結這個讀報會。


  「什麽鬆人?」咯咯兩下叩門聲,原來久未露面的雲妮站在門外。


  菲力偉轉頭望見是雲妮,突然起身,執拾枱面的一堆報紙。「是我要鬆人,妳跟卓談過後,才到我房間找我。慢慢,大把時間。」說罷,這廝一個箭步往門外走去。


  我一呆,看見菲力偉的異常動靜,加上雲妮一臉半帶愁容,我暗忖會是什麽一回事。


  「卓,你知我爹地身體不太好,我打算再返加拿大陪他一陣子。我上來是跟菲力偉交代些工作,順道向你說一聲。」


  又走?怎會如此巧合?看菲力偉的樣子,他一早知,特地着雲妮親口跟我說。

  「為什麽我又是最遲知?」我半帶自言自語。


  「因為你從來未有說過要做第一個要知的人。」雲妮低頭輕聲說着,聲音僅及可聞。


  突然想到美蓮在酒吧跟我說的那一句,究竟她當時說這話,是因為她要走,還是雲妮要走?


  正當想着,雲妮眼見我未發一言,柔柔地說道:「多倫多和紐約,你去過這麽多次,不會迷失路吧?」說罷,轉身而去。


  對,路不會迷失,迷失的只會是方向。

40 comments:

Anonymous said...

魔術師散文系列之國金同人誌第九話 - 別

「是我要鬆人,妳跟卓談過後,才到我房間找我。慢慢,大把時間。」菲力偉對雲妮拋下兩句門面話,便一個箭步往門外走去。

只見雲妮一臉愁容,我突有不祥預感,只得硬著頭皮聽雲妮有甚麼事要對我說。

「卓,你知我爹地身體不太好,我打算再返加拿大陪他一陣子。我上來是跟菲力偉交代些工作,順道向你說一聲。」

又走?我腦裡一片空白。妳和美蓮在互相禮讓嗎?看菲力偉的樣子,敢情是他特地安排雲妮來跟我親口說的。

「總有人要走...」我忽然意識到美蓮可能話中有話,會不會是明知雲妮要走,又怕跟我一發不可收拾,故藉讀MBA而遠走他方來逃避,免得傷了和雲妮之間多年的姊妹情誼。

「喂,卓,你怎麼啦?」

我忽然驚覺到自己竟然在和雲妮說話時想起美蓮,未免於心有愧,只得苦笑道:「為什麽我又是最遲知?」

「因為你從來未有說過要做第一個要知的人。」雲妮低下頭來,一面不安地撥弄著及肩的髮腳,一面輕聲說着,聲音僅及可聞。

「那麼我便做第一個探望你的人,反正我也沒見過世伯,多個人跟他聊天解悶也好。」我衝口而出,反正雲妮都已經說得那麼白,我也豁出去,捨命陪君子便是了。

雲妮臉上一紅,卻道:「你啊,我是住在多倫多的,可別買錯了去紐約的機票啊!」

我心中有鬼,反應不及,正當想着,雲妮眼見我未發一言,柔柔地說道:「多倫多和紐約,你去過這麽多次,不會迷失路吧?」

雲妮接著走過來,輕輕拍了拍我的手背,一邊轉身離去,一邊卻哼著:「人生當美夢破碎,就知道心苦透...」

「咦,怎麼妳識這首歌的,佳視的『流星蝴蝶劍』怕差不多有三十年了吧?」我奇怪問道。

雲妮一笑,別過頭來,嗔道:「我才沒有這麼老呢!只是最近在晚上從收音機聽到這首歌,覺得好聽學了兩句而已。」說罷,轉身而去。

原來那天晚上雲妮跟我聽著同一個節目呢。我心中又甜又苦,租甜的是雲妮的示意,苦的卻是不知如何抉擇。

***

「不要自作多情去造夢...」

在舞台上的不是vivian,卻是Twins的背影,她倆正背著我這邊的座位跳著舞步,忽然轉過身來,阿嬌右手遮面,阿sa左手遮面,邊唱邊放下手來。

赫然Twins不見了,其他觀眾也不見了,剩下來的只是我,和站在舞台上的雲妮和美蓮。

我大驚之下醒來,出了一身冷汗,原來是南阿一夢。

對,佛家有八苦:生、老、病、死、怨憎會、愛別離、求不得、五取蘊,還有貪嗔痴三毒。我在公司,和肥波士,菲力偉,雲妮和美蓮之間,到底會有多少執著,有多少苦果要承受呢?

by:不敗的魔術師

Anonymous said...

Mr Fong/Magician,

If you set up another column, I guarantee we will see your new book "情繫國金" in the exhibition next year.

Anonymous said...

卓,你已迷失了

Anonymous said...

方生不但只有丘世文feel,
現在重有陳慶嘉feel,
發小男人白日夢。

Anonymous said...

快快作出抉擇吧!
不要那麼張無忌
否則只會一無所有!
不要妄想有人會等你一世!

Blogger70th Floor said...

睇信報不是為了觀看情陷夜中環既呢

P.S.
給不敗的魔術師:是南柯一夢既呢

http://140.111.34.46/cgi-bin/dict/GetContent.cgi?Database=dict&DocNum=46094&GraphicWord=yes&QueryString=南

Blogger70th Floor said...
This comment has been removed by a blog administrator.
Anonymous said...

thx,一時手快打錯了

不敗的魔術師

Anonymous said...

Hi, I am watching ATV program about Sir Donald Tsang's daily life inside the Governor House. Suddenly I came across an episode of West Wing (should be in the 5th season). It is about the daily life of the White House's Press Secretary, CJ Cregg. I remember Allison Janney got her Emmy Awards with this episode. So Mr. Ho and Mr. Lau seem using one of their favorite TV Program plots to try to make Donald’s election successful. Funny anyway….

Anonymous said...

Need to say that this triangle-love theme is quite boring. If it is a true story, I recommend this book 'He's just not that into you' to all three. Then Fong will understand himself more. The ladies will aim on somebody else, perhaps PhilipWai.

BTW, can you create a love theme for PhilipWai?

Anonymous said...

Blog的好處是可以講出心底話,包括小說Dr. Jerkyll & Mr. Hyde裏的Mr. Hyde的醜惡一面。
其實,世界規律很簡單 - 做壞事,始終有報應!行動前請三思。

Anonymous said...

做壞事,始終有報應 ?

係就好喇.
不知布殊班戰爭狂人同以色列幾時有報應 ?

Anonymous said...

老老實實,方生,你冇料就唔好霸住個三分一版,阻住地球轉.不如你去太陽東方寫你個情陷夜中環,直情寫咸濕故仔,讓埋你個column比孔少林寫,等佢久唔久整多隻好似567咁比我地炒下呀.

話時話,你寫咁耐篇篇都咁廢,你自己都悶啦.睇你寫local politics,我睇醉酒篇好過啦.你冇野寫個時,又要編輯同你整張圖係下面”啞”下位,你羞唔羞架?係公司到睇完份FT,抄兩段落黎又交貨?要睇你d deal coverage,我自己唔識去nyt個deal book(http://dealbook.blogs.nytimes.com)咩?

唉,你過主啦...

Anonymous said...

宜家information已經唔值錢啦..睇就睇寫手支筆. FT, blogs, 你要睇, 睇一日都睇唔哂. Jeff兄可能上左岸, 日頭大把時間. 或者職務就係煲news. 可憐一下正常打工族啦.

Anonymous said...

Jeff哥,你咁勁,你自己去寫,包本無人登,有人請又必定一個月都唔夠就bye bye。 方兄實在有時水準不穩定,但要行內人肯寫嘢已難能可貴。信報除蔡東豪無人可以寫到同類型的嘢,想搵另一個方卓如難度甚高,方生在此實在有價值。叫老曹寫同樣的嘢,一定唔得,佢只懂走勢,不懂公司的基本分析,佢曾睇好的203($3.4睇好), 670 ($1.3時 睇好), 493($8時又講到天下無敵), ....隻隻都唔得,信就死咗!大家可以check 下兩三年的投資者日記,成功的推介只有極少數。成日講唔會預測三個月之後的事,摸石頭過河,但又話自己中長線投資者,咪即係話自己無鬼用!之前價低話唱淡港股,今日又睇好喎,我話最差的專欄作家就是老曹!無膽又無pts,只懂安排文章內容次序,捉群眾心理,要人信佢,唔知有甚麼背後的目的,小心小心可能佢會被人查!

Anonymous said...

老曹?買輪學做CEO!

不敗的魔術師

洛克 said...

情陷夜中環系列,的確係有點悶.

雖然方兄有些時候係寫得有d行貨,但我都好欣賞方生能從資料中搵出重點的分析力及願意講真話.要過主,比方生差大有人在.

by the way, 567 宜家先追分分鐘係水尾,比果6蚊買份報紙就想有人話你知點發達, 是否有點天真?

Anonymous said...

不敗的魔術師:
"老曹?買輪學做CEO!" 唔明你所講的嘢

洛克:
我明六元不能發達,但是老曹佢六元都呃

Anonymous said...

唔係下話, 今日仲有人話買份信報為炒股票, 炒 567 ? 你要炒股睇方卓如個專欄托咩 ? 花個六個大洋要個個欄都畀個冧巴你炒, 不如上網睇下免費生果報慳番個六蚊好過喇, 一分一毫來之不易, jeff, 六蚊夠你食兩個麵包頂肚喇, 你慳啲啦

Anonymous said...

同意洛克,不欣賞毫不激情的情陷夜中環系列不等於不欣賞卓先生;
至於匿名者──香港是自由社會,你不喜歡曹先生可以唔睇甚至唔買。但作為一個<信報>遠距離的讀者卻信誓旦旦的說<信報>的其中一位靈魂人物心懷鬼胎實在有信口雌黃之嫌。
By 失敗的紙牌戲法師

Anonymous said...

想不到巴士有個阿叔, 博客也有個阿叔 Jeff. 跑到人家客廳賴屎賴尿, 叫主人過主. 一份報紙有幾十個專欄, 不合心水就不看罷了, 用得著搥胸頓足, 大發雷霆 ? 香港人的修養, 大概在地球上不倒數第一, 也絕對是排名最後三名內. 這跟學歷高低無必然關係, 性格暴戾, 脾氣乖張, 容忍度低, 夜郎自大所致焉

Anonymous said...

死勒,講得太應棍,傷害到方生fan屎既感情tim

匿名者兄:
"方兄實在有時水準不穩定,但要行內人肯寫嘢已難能可貴。"
你都識講佢唔穩定啦~

"叫老曹寫同樣的嘢,一定唔得,佢只懂走勢,不懂公司的基本分析,佢曾睇好的203($3.4睇好), 670 ($1.3時 睇好), 493($8時又講到天下無敵), ....隻隻都唔得,信就死咗!大家可以check 下兩三年的投資者日記,成功的推介只有極少數。成日講唔會預測三個月之後的事,摸石頭過河,但又話自己中長線投資者,咪即係話自己無鬼用!"
學番你:匿名者兄,你咁勁,你自己搵人俾版投資者日記去寫,包保無人登,有人請又必定一個月都唔夠就bye bye。

仲有,雖然我鍾意曾淵滄多個老曹,但係做人要公道d.老曹早兩年狂叫人買資源股o個時,你死左去邊度呀?佢叫人買金o個時呢,你冇錢買信報呀?早排叫人買廣船(317)o個時呢,你又生緊眼挑針睇唔到呀?

"之前價低話唱淡港股,今日又睇好喎,我話最差的專欄作家就是老曹!無膽又無pts,只懂安排文章內容次序,捉群眾心理,要人信佢,唔知有甚麼背後的目的,小心小心可能佢會被人查! "
你仲話咪人地背後有目的?唉,算啦,失敗的紙牌戲法師都話左你.

洛克兄:
"by the way, 567 宜家先追分分鐘係水尾,比果6蚊買份報紙就想有人話你知點發達, 是否有點天真?"
係咯,點會諗住6蚊買份報紙就有人話你知點發達咁天真呢?不過睇完人地分析,自己再用下個腦咪買咯.係咪水尾?唔知呀,不過567仲升緊咯.

大君兄:
"唔係下話, 今日仲有人話買份信報為炒股票, 炒 567 ? 你要炒股睇方卓如個專欄托咩 ?"
你睇信報為咩?為欣賞文章?為左追情陷夜中環呀?咁你買信報托咩!

無言兄:
我唔識點回應你,因為你性格暴戾, 脾氣乖張, 容忍度低,夜郎自大.一個blog有十幾個comments, 不合心水就不看罷了, 用得著搥胸頓足, 大發雷霆,話人地賴屎賴尿咩?

方兄:
我都係愛之深,責之切.你唔係林行止,所以你唔好今日講local politics,聽日講中東局勢,後日講投資,大後日黎個閒讀偶拾,因為你未夠班.

你都係正正經經講番你個行既野.不過,珠玉在前(左?),你係咪應該搵番個niche.你都可以學下踢波版,人地講球星,你可以講下deal-maker:

stephen schwarzman, martin whitman, sam zell, michael price, eddie lampert, wilbur ross, david bonderman, henry kravis......

每個寫5篇,有排你寫,咁咪唔駛下下要編輯同你整張圖係下面lor.

呢d topic照計你d i-wanker fan屎都應該好buy呀...橫掂你之前都話要搵番份pe做既,咪當準備interview law.

洛克 said...

愛之深,責之切 = 唉,你過主啦..???

平時我看見當討論變成意氣之爭, 我都好少會回覆,

雖知港人最叻就係"死撐", 再講都冇咩意思.

不過 jeff 由叫方生過主變成愛之深,責之切, 就真係有D搞笑.

原來叫人過主是愛的表現, 我真係理解能力低.

唉.. 相信寫完這reply 又要比人寸, 講真話真係唔容易.

Anonymous said...

洛克兄:
乜"愛之深,責之切"literally既意思唔係愛(惜)得愈深,罵得愈兇咁解咩?

"唉.. 相信寫完這reply 又要比人寸, 講真話真係唔容易."
點解你咁講呢?你之前話:

"by the way, 567 宜家先追分分鐘係水尾,比果6蚊買份報紙就想有人話你知點發達, 是否有點天真?"

我答番你:

"係咯,點會諗住6蚊買份報紙就有人話你知點發達咁天真呢?不過睇完人地分析,自己再用下個腦咪買咯.係咪水尾?唔知呀,不過567仲升緊咯."

我唔覺得我有吋你呀.我仲諗住洛克兄你作為一個生意人(我去個你個blog)會,on the merit of investment value,同我討論下567呢隻股票.

Best
Jeff

Anonymous said...

係喇, 死撐啦. 看來巴士阿叔都係對四眼仔愛之深責之切.為踩方卓如就無厘頭去捧曹仁超, 你寫一堆鬼佬名, 開口埋口 deal唔會令人覺得你有料到,睇你講嘅野邏輯混亂,自相矛盾,原來祇係一隻井底蛙口出狂言去引人注意, 我都對你愛之深責之切 : 你快快過主吧啦

Anonymous said...

大君兄,我真係要嗌你一聲大佬啊,我由第一張post批評方生文章水準每況愈下之後,你回個d咩post呀?你有冇就住我話方生水準差既論據提出意見呀?又或者你又冇提供論據証明方生文章水準高呀?你冇喎,你剩係識話人賴屎賴尿同埋邏輯混亂,自相矛盾咋喎.你唔好咁懶啦,用下個腦,諗d pt出黎啦~

"為踩方卓如就無厘頭去捧曹仁超,"
你有冇follow d post架?實情係annonymous兄為捧方卓如就無厘頭去踩曹仁超.我唯有話俾擅忘既annonymous兄聽,曹仁超都有睇岩既時候,係佢自己生緊眼挑針睇唔到o者.

"你寫一堆鬼佬名, 開口埋口 deal唔會令人覺得你有料到,"
可能你唔熟又或者唔識佢地啦,但係我從來冇諗過up一堆鬼佬名會令你以為我扮有料.如果令你咁諗我真係好過意唔去...

"睇你講嘅野邏輯混亂,自相矛盾,原來祇係一隻井底蛙口出狂言去引人注意, 我都對你愛之深責之切 : 你快快過主吧啦"
大佬呀(再一次),你唔好乜pt都唔講,剩係up一堆四字詞話人啦.如果我好似你咁,我亂咁話你殺人放火,姦淫擄掠都得啦!

Jeff

Blogger70th Floor said...

唉,唔好嘈啦,以後可能無信報睇啦。
點解我出世得咁鬼遲既呢。
有無人有以前的剪報借我睇?

Anonymous said...

Jeff 兄

坦白講, 我喜歡看方兄的愛情故事喎! 我以前日日追看賭仔明的故事tim! 不要日日咁嚴肅得唔得? 輕鬆D啦香港人!!

Anonymous said...

Totally agree with Skywalker!

Anonymous said...

Jeff兄靠一$6的信報炒股搵食ga. 方兄寫少一日炒股貼士,佢就浪費左大拿拿6個大洋.點會冇壓力丫?最好每日專欄下面寫三四個號碼, 睇既時間都慳番

btw 我都鍾意情陷夜中環series.

人不風流枉少年嘛

Anonymous said...

大家發表下自己感受是好的~
愛看不愛看講出來也是好事~
攪得個blog就實有人講d唔鐘意聽的~
放開胸懷,有容乃大啊!

sam

洛克 said...
This comment has been removed by a blog administrator.
洛克 said...

jeff,

做生意冇咩了不起,都係普通人一個.

如果你要同我講 567,我建議你先睇睇567年報,再番睇孔生講 567 的文章, 再諗下點解間公司純利會突然暴升 ? 下年純利係咪仲有增長 ? 點解公司董事會係股價$0.7入貨,你就要係$1.8-$2追貨 ? 點解你會用 8-9倍 PE去買隻工業股 ?? 點解你唔可以係孔生發表文章之前就買到 ??

想發達係要靠自己做功課,同你講咩 on the merit of investment value 都冇用.

不過估唔到今次方生真係比你開口"中", 我相信你好有機會成為"股神"

Anonymous said...

洛克兄:

"如果你要同我講 567,我建議你先睇睇567年報,再番睇孔生講 567 的文章, 再諗下點解間公司純利會突然暴升 ? 下年純利係咪仲有增長 ?"
你又知我冇睇?

"點解公司董事會係股價$0.7入貨,你就要係$1.8-$2追貨 ?"
見到一隻股票值得買,仲有升值空間,但係見到insiders用差唔多平你一半既價錢入貨,咿,咁我宜家買咪好蝕底?洛克兄,你平時投資分析就係咁架?抑或你未卜先知,仲快過日日睇住盤數既管理層知道間公司盈利會暴升?如果係咁,你都唔好咁辛苦將你間公司搞上市啦.咪鬼睇信報,羅$6買六合彩(仲找你$1)好過啦,不過記住醒番6個number黎喎.

"點解你會用 8-9倍 PE去買隻工業股?"
工業股超過10倍(567仍是9倍左右)犯法呀?會破產呀?咁富士康(2038)算係咩呀?高科技股呀?

"點解你唔可以係孔生發表文章之前就買到 ??
你咁樣問我,我都感懷身世:點解我老豆唔係李嘉誠?

"想發達係要靠自己做功課,同你講咩on the merit of investment value都冇用"
成鬼日話要做功課,睇完人地篇分析,自己再搜集資料,再做投資決定唔算呀?點先算呀?要好似洛克兄你做功課做到可以快過insiders知道公司業積,我就真係無能為力.我認衰仔...... -_-

"不過估唔到今次方生真係比你開口"中", 我相信你好有機會成為"股神" "
呢樣野....就真係no comment....

邪惡軸心兄:

你個衰仔,你又學大君兄一樣,懶到死唔用腦.

"可憐蟲先生/女仕,你知自己何解叫可憐蟲嗎?最大原因是你不知自己是可憐蟲。看到討厭的東西還要看,嗅到是屎水的還要喝,此為該死。看了喝了還留在原地公告天下者,智慧有限。貶人抬己從而建立自信的為無能。阻礙別人品嚐美味甜品,浪費自己有多而別人寶貴時間的,為壞心眼。"
拿,各位網友,學野啦,當你冇pt又唔夠人講野個時,大可以學邪惡軸心兄,整句"可憐蟲"出黎,包保冇人夠你講.

讀書辯論時:"你地呢班可憐蟲主辯,副辯,你知自己何解叫可憐蟲嗎?最大原因是你不知自己是可憐蟲......"

同auditors拗數時:"你地呢班可憐蟲audit仔,你知自己何解叫可憐蟲嗎?最大原因是你不知自己是可憐蟲......"

過board時:"你地呢班可憐蟲directors,你知自己何解叫可憐蟲嗎?最大原因是你不知自己是可憐蟲......"

真係無枉而不利,愈用愈順利(當然個腦愈轉愈慢啦,side-effect麻)

方兄:
真係唔好意思,我搞到你日日要睇住條thread,delete d比大君同邪惡軸心兄更加懶既人既comments.

祝工作順利

洛克 said...

jeff,

你既態度係討論定"死撐",大家有眼見.

我已經係問題度比左答案你,你能力有限,

你睇唔出我都冇辦法.

Anonymous said...

bookmark 呢條 thread 先.

可能係方卓如個blog 最長既 comment...

Anonymous said...

Jeff真是(屁)"股神",不認衰,又包拗頸,如果是這樣的態度交朋友,我敢肯定Jeff哥不受歡迎。我認為與人交流,最大的目的就是教學相長,如果只是用語中傷人去維護自己的ego,那麼jeff神只是白費時間。

Anonymous said...

有乜好拗啫,方生在Jeff及諸位的內心深處一定佔有相當地位,否則都唔bother搭咀講咁多啦!

我倒希望見識Jeff的真知卓见在信報連載,惠澤一衆股民,以填補失去"孔方"之憾。

By the way, 魔術師的散文系列亦頗風趣幽默。不如就由Jeff同魔術頂上。欄名就叫"中環照妖鏡"同理"情迷爛鬼坊"啦。

Anonymous said...

That's a great story. Waiting for more. » » »

Anonymous said...

This is very interesting site... » » »