白旗

做人嘅嘢，輸就要認，打就要企定。

　　去年4月8日，我寫了篇〈拆招牌〉，指孔少林分析TOM在線（8282）投資價值高於TOM集團（2383），我不服氣，說明以一年為期，比拚誰勝誰負。當時我為求響朵，只好瞓身與他打對台，學黎署理話齋，有你冇我。

　 　未夠一年，我已經要投降。TOM在線一年來上升了超過七成；而TOM集團，幾乎原地踏步。換言之，我輸了幾條街。　　TOM集團唔爭氣，除連累我要斟茶 認錯外，這CEO王Sir都要求去，專注發展個人業務。TOM在線都有個王Sir，但一比，高下立見。　　如果照計數，TOM集團沒道理可以原地踏步。以 TOM在線昨天收市約兩元計，市值八十六億，TOM集團佔五十六億幾，即每股近一個四毫半。你估TOM集團昨天收市多少？個半。換言之，TOM集團其他業 務，只值五毫子。

　那些出版、戶外媒體、電視等等立立雜雜其他業務，賺六千幾萬，即每股一仙六左右。用五毫子市值計，三十一倍O，超貴。即是說，TOM集團現價仍然偏高，原地踏步，已經便宜了它，我本來要輸多一兩條街。

　　同孔少林唱對台的，還有和黃（013）。今天公布完業績，就可以埋單計數。到目前為止，我相信未必輸實。