7.3.06

財路

美國監管條例太辣,兼且Sox威力無窮,令中國最近那些超級公司只敢在香港上市,捨美金而去。可憐美國佬只好在自己後花園痛罵對面岸的大森林無王管,任人隨處種樹,愈做愈大,反而腳底下的花花草草,一棵一棵被Sox及SEC踩得凋零落泊。


  香港成為大型國企集中地,一是因為客觀環境所致,非自己本事。假如有本事撬走對面美國佬花園中的奇栽異卉,移植至這一片大森林,這樣就可算得上光宗耀祖,超英趕美。


  凹凸科技(457)本身在納斯特以ADS掛牌,轉到香港同步上市,為交易所開了另一條財路。如果可以搶奪Google過來香港上市,給予一個靚冧巴「6009」,保證交易所(388)股價可以上到一百蚊,依家四十銀錢濕濕碎矣。


  用介紹形式上市,斗零都籌不到,是為上市而上市。去年年底其實是想發新股到香港,謙虛地只籌一百萬美金上下,聊勝於無。如今連一球都無法如期籌足,可見「上」心似箭,務求要向交易所科款而後快。


  凹凸是聯合國,董事來自世界各地,大陸又有生意。香港上市,方便沽貨,將來用香港股票收購大陸資產方便得多,買賣又毋須抽稅;加上以介紹形式上市,沒有新貨供應,要轉貨到香港交收,造就股價可以有套戥機會。各種原因,無錢落袋,齋上市都抵。


  明白了以上種種原因,交易所的同事就可以針對性出擊,向同類背景的公司埋手。

1 comment:

整餅怪人 said...

凹凸岩岩第一日上巿, 被人炒到4蚊雞.....

當日場面幾墟堪...有幾條友在開始頭十分鐘搶了貨...之後你bid 高d 時佢又bid 高一d...一格一格掛高佢...掛到隻股係2000年才會出現的價位...到下晝冇傻佬接貨...又玩高空插水....

它前晚在美國只做兩蚊雞港紙多一些啥.....

但冇報紙講出這個咁怪雞的地方......

不過依家都套完喇....

如果你和我係隻股第一日開巿前已有成手貨....會不會現在已係加勒比海暢泳呢?