31.3.06

無敵

「張議員」

  「多謝主席。行政長官,你個腦成日掛住添馬艦,但周邊很多地方已經將政府總部搬離市中心,我地咁醒彈條橋畀你,叫你搬去東九龍,何解你當耳邊風?」

  又嚟,你班友,明知我住中環,成日叫我過九龍走來走去。中環咁方便,又有教堂,又有香港會。搬政府總部去九龍城,唔通我又叫香港會搬埋去?到時我拉民主肥女神去傾計落藥,唔通同佢去黃珍珍飲珍多冰?

  「張議員,我沒有魄力,沒有能力,可以游說立法會跟政府一齊搬去。政府總部和立法會,要在中區。」

  「張議員」

  「行政長官,我一站起來,你就知我想講乜。民以食為天,中央屠宰,冇warm meat食,唔掂。」

  又係你,次次都係你出嚟阻頭阻勢。禁煙你又唔畀,中央屠宰你又唔畀。如果畀你代表地產商,我諗你連我幢禮賓府拆埋起樓你先安樂。你隻眼除了看到選票外,對民間死活不屑一顧,正是功能組別惹人詬病的活生生例子。

  「張議員,新加坡D海南雞飯咁正,都係用冰鮮雞。坡仔做得到,我地一定掂。」

  「余議員」


  「主席,我地日做十幾粒鐘,六、日都要開工,邊有質素可言。你會否要政府慳電?」

  大狀即是大狀,開場白同條問題冇乜關係,都畀你駁埋一齊,抵你做黨魁。講起慳電,最好你地班議員首先慳電,早D熄燈收工,橫豎呢個會都係冇乜嘢做得到,快快手過晒D?Bill返屋企好過。

  「余議員,不如我地比賽吖?你慳幾多,我慳幾多。」

  「好喇好喇,今日問到咁多。多謝行政長官。」

  得嗱?愈嚟愈容易。

3 comments:

Anonymous said...

delete it!

Anonymous said...

我真係少見多怪
原來除了email之外
連Blog都會有Spam!
真係魔高一丈

Anonymous said...

Mr. Fong,
What kind of stunt you are trying to pull?