24.11.05

有客到

中建電訊(138)以五億五千萬港紙,出售手上全部海爾電器(1169)股權。交易如果趕得及在年底前完成,可以為中建明年公布的業績沖喜一下。

  年初,海爾電器向海爾集團收購手機業務時,中建的持股量已經減少近二成,這變相出售,令中建半年多賺一億,是半年盈利的六成。今次用五億幾將餘下的股權出售,雖然我無法找出這批貨尾價值多少,但估計都可以讓中建賺四億。

  出售海爾電器後,估計中建電訊的系內重組已經完成。年中時中建亦有增持中建科技(261)股權,成為旗下的附屬公司,計入中建科技的盈利,再加上出售海爾的四億,全年盈利一定比2004年好得多。

  不過,最開心的應該是青島的海爾集團。6月份,《21世紀經濟報道》有一篇文章,題為〈海爾的救贖〉,當中指明張瑞敏對海爾中建經營業績不滿,遂以注資拿取海爾中建的控制股,變成為海爾電器。

  文章又說,張瑞敏控制海爾電器之後,未來是要好好利用這間上市公司作為融資平台。當然,大陸傳媒一直有一種誇張口?的報道手法,描述得繪影繪聲,好像發現國家機密一樣。海爾集團拿得下控股權,難道會是白花冤枉錢?

  結論是,海爾將來相信會成為這半版的常客。

5 comments:

Anonymous said...

個人意見,而家陳雲係信報最好睇的專欄作家






不敗的魔術師

Anonymous said...

「而家陳雲係信報最好睇的專欄作家」
同意--- 如果他不寫議論文章的時候。

他的茶餐廳系列的確好看。

Anonymous said...

agree

Anonymous said...

可唔可以麻煩方兄解釋吓點解領匯招股價唔會set高d,等佢一上市就升呢

Anonymous said...

即係刻意做一個假象,等佢唔好冷場??