13.9.05

開幕日

迪士尼樂園……

  十一時五十分

   嘩?大佬,仲未講完。孭住件幾十磅道具衫扮米奇老鼠,三十幾度烈日當空,你仲要講幾耐呀?人地開開心心慶祝開幕,鬼佬就叫人玩得高興盡情,你就一輪嘴講 什麽和諧社會、一國兩制、高度自治,牛頭唔搭馬嘴。那三張貓紙不知道是誰幫你寫,一定是那些飽經滄桑、歷盡三反五反、被迫上山下崗、心中毫無童夢純真的政 治機械人傑作。關門埋首,左抄右抄,當迪士尼是紫禁城,激死。

  仲有,等陣企你旁邊,都有些怕你捉住我隻手唔放。早兩日見你拖住位大叔隻手一邊笑一邊講,我一時控制不了打了個冷顫。我隻道具手咁大隻,我怕你夾住我隻手一邊行一邊揮手,唔知跟唔跟你行好……

  三時四十分

  咁多人爭住影相?我已經醒目,走去人少少的地方,你班人還是咬住唔放。都是昨天那些高官議員斯文,只有那個梁家傑帶相機影相,其他都行吓食吓,畀記者影相影到煩,無時間捉住我。最好以後個個月搵幾日畀D官包場玩,我就舒服得多……

  九時五十五分

   收工。下次要跟人調一調,扮隻冇咁多人識嘅,做少好多。反正件衫都有成幾十磅,其實唔爭在加部冷氣或風扇仔入裏面。尤其是東涌機場附近這邊D空氣咁差, 邊及佛羅里達又大又清爽。計落都要搞工會,爭取吓權益。嗰個李卓人早幾日咪派宣傳單張,話幫我地成立工會?今朝返工唔見咗佢?冇記者影相就唔出現,仲實際 過今朝那個機械人。算數,換衫。

4 comments:

losowong said...

越黎越覺得班官...其實係用屎忽思考

好似亞孔生今日o個句, "...運作正常的計算機..."

唉...香港擺明比隻帝國主義老鼠明昆啦, 班官仲係度死撐

Anonymous said...

對於我這個不是飲敵視妳的奶大的人, 真的不明老鼠有多可愛.

反而每次看見米老鼠的時候, 都有衝動起"雙飛"踢它們的頭. 如果敵視妳容許我這樣做的話, 必定立即買飛入埸.

忿怒的推銷員 said...

厭惡虛假, 厭惡迪士尼。

PP said...

"今朝返工唔見咗佢?冇記者影相就唔出現,仲實際 過今朝那個機械人"

XDDDDDDDDDDDDDDDD